Over ons
Brandpunten:
Oude Lutherse Kerk
Over ons
Contact
Geschiedenis

Oude Lutherse Kerk

Groningerdienst/Grunneger Dainst 2013

Ook dit jaar was de Groningerdienst weer een succes. Het lijkt wel of er ieder jaar meer mensen op af komen.

Om nog even na te genieten enkele hoogtepunten van de dienst:

In de media:

AT5: verslag en video (externe website)

RTV Noord: verslag, foto's en 2 x video (externe website)


Een kort verslag

Kort verslag van de 7e Groninger Dienst in de Oude Lutherse Kerk in Amsterdam
De Groninger Dienst van 27 oktober jl in Amsterdam werd bezocht door ruim 400 Groningers. We vroegen trouwe bezoeker Jaap Lubbers, oorspronkelijk afkomstig uit Huizinge, om een impressie te schrijven in het Gronings.

Zundag 27 oktober noar Lutherse Kerk ien Amsterdam ston er ien mien oafsproakenboukje.

Dainst begunt noar Amstelveense begrippen, woar woon ik al weer een joar of vatteg, loat. Pas om haalf elf.
Ik haar beloofd om ook nog twei wichter van hoes op te hoalen dei wat wied van tramlien 5 wonen en gain auto hemmen. Dei tram brengt ons stoef bie de Lutherse Kerk.
Van te veuren was ik woarschouwd dat het ien Amsterdam n troep was met opbroken stroaten, plainen en tramrails.
Dus op tied op tram stapt, woar wie nog meer bekenden zagen dei ook op pad waren noar Grunneger Dainst. Zo hebben wie zowat hail Amsterdam bekeken deur al dei omlaidingen, moar wie waren mooi op tied. Ainmoal ien kerk zulf zagen wie nog meer mensen van onze aigen wiekgemainte. En aandere mensen dei ook bekend waren. Moar dei hadden wie veurig joar al zain.
Ook het 'wiedkieken' was er. AT5 oet Amsterdam en RTV Noord. Het zel mie benijen wat ze er van bakt hemmen. Ien elk geval hebben ze verschillen mensen vroagen stelt. Ook konnen wie veur- en noatied mooie schilderijen bekieken van kunstenoares Madelon oet Kloosterburen. Tiedens de dainst zong Arnold Veeman oet Koosterboeren Grunneger laidjes mit n wat daipere betaikenis.

'Nait te min' was het underwaarp van de dainst en domie Donga haar n laidje van n olle protestzanger Armand as bron: 'Ben ik te min' . Het ging den ook een beetje over het nait duren of willen proaten ien joen 'moekestoal'. Ook biebelteksten haar e der hail mooi bie zöcht. (Lees de hele preek (pdf))
Met noame de tekst oet Lucas 18: 9-14 over de farizeeër en tollenoar sprak mie zulf aan.
Ook de ploatjes op de beamer (nijmoodse kiekdeus?) paasden der mooi bie.
Noa de zegen was er nog een wat dizzerdoagse protestlaid, zongen deur Marlene Bakker en Gerard Heusinkveld op n tekst van Hanne Wilzing mit as tekst: 'Loat Grunnen nait zakken' (bekijk de tekst (pdf)). Doarnoa zongen wie het Grunnegs laid, begelaaid deur de fraise örganist Christiaan de Vries.

As altied was der kovvie en kouk noa oafloop. Op pad er noartou kwamen wie domie veurbie en ain van 'mien wichter' – net as ik een old-olderling – vroug mie: 'wat zeggen wie nou toch tegen domie.' Ik zee tegen heur: 'loat wie gewoon moar 'goie zundag' zeggen'. Ik heurde domie Donga dat zulf ook zeggen.
Achternoa hebben wie nog wat proat mit verschillende mensen over: 'wat vondst doe nou van dizze dainst'. Mooie dainst, zeden de mainsten. Biebel komt inains dichterbie as t ient Grunnegs is.
Nou het sprouk mie nait zoveul aan zee er ain. Ik heb mien haile leven biebel en t geleuf ient Nederlands beleefd. Grunnegs is toch wat ver weg.
Ook wizzen wie, dat klaine plougje oet Amstelveen, nait wat nou het woord 'stiept' betaikende ient laid 224. Domie er bie hoald. Dei wiz t ook al nait. Ik denk dat het een 'steun voor een steun' is docht er ain en wees op een zoel ien de kerk. Thoes even opzöcht ien het Woordenbouk.
Krek. Een stiep ken een zoel steunen.
En ient nijjoar? Op 26 oktober 2014 is er alweer een nije dainst, de aachtste, ien het Grunnegs. En weer om 10.30 uur in Olle Lutherse Kerk.

Jaap Lubbers